Për Ty - Coco Gauff, lojtarja numër 10 e botës tek tenisi për femrat, ka mposhtur bjellorusen Aryna Sabalenka me sete 2–6, 6–3 dhe 6–2, duke fituar kupën Grand-Slam në US Open me një rikthim dramatik.

Kjo është fitorja e parë Grand Slam në karrierë për 19-vjeçaren Gauff dhe e bën atë adoleshenten e parë amerikane që fiton US Open që kur 23 herë kampionia Serena Williams mori titullin në 1999.

“Ndjehem sikur jam në shok në këtë moment. Zoti ju vë nëpër mundime dhe sprova, dhe kjo e bën këtë moment më të ëmbël nga sa do ta imagjinoja”, tha Gauff pas fitores.

Ajo falënderoi familjen e saj, ekipin dhe “njerëzit që nuk besuan në mua”.

Hera e fundit që Gauff dhe Sabalenka u takuan ishte në çerekfinalen e Indian Wells në mars, me bjellorusen që fitoi bindshëm 6–4 6–0. Finalja e së shtunës ishte një garë krejtësisht e ndryshme, me Gauff që ishte përmirësuar me shpejtësi në gjashtë muajt që kanë kaluar nga ajo humbje.

19-vjeçarja ka fituar tre tituj WTA këtë sezon, duke përfshirë më të madhin në karrierën e saj në Cincinnati pak para US Open.

Konkursi ishte finalja e dytë e Grand Slam-it në karrierën e Gauff-it pasi arriti në finalen e French Open në 2022, ku ajo u mposht me shpejtësi nga Iga Świątek.