Për Ty - Për shekuj me radhë, njerëzit në Mesdheun me diell ngriheshin pas vakteve të gjata e të qeta dhe bënin një shëtitje, shpesh në sheshin e qytetit për të parë fqinjët dhe për t’u shoqëruar. Ecja është aq shumë pjesë e asaj stili jete saqë është renditur si bazë e dietës së shëndetshme mesdhetare.

Kjo mund të jetë një nga arsyet pse studimet kanë zbuluar se dieta mesdhetare mund të zvogëlojë rrezikun për diabetin, kolesterolin e lartë, sëmundjet e zemrës, goditjet në tru dhe disa lloje kanceri – duke forcuar kockat, duke përmirësuar shëndetin e trurit, duke shmangur çmendurinë dhe depresionin dhe duke ndihmuar me humbje të peshës.

Tani mund të shtoni një arsye tjetër për të bërë një shëtitje pas vaktit – mund të ulë sheqerin në gjak.

Kjo shprehi nuk merr shumë kohës, pasi që nevojitet të ecni vetëm dy deri në pesë minuta pas një vakti, sipas një studimi të vitit 2022 në revistën Sports Medicine.

Pushimi pas një vakti mund të ndihmojë gjithashtu, por jo aq sa vendosja e njërës këmbë përpara tjetrës, tha studimi.

Një shëtitje e shkurtër pas ngrënies mund të ndihmojë që nivelet e sheqerit në gjak të rriten dhe të ulen më gradualisht

Meta-analiza, e publikuar në shkurt 2022, analizoi shtatë studime që krahasonin ndikimin e qëndrimit ulur, në këmbë dhe ecjes në nivelet e insulinës dhe sheqerit në gjak të trupit. Njerëzit në studim iu kërkua ose të qëndronin në këmbë ose të ecnin për dy deri në pesë minuta çdo 20 deri në 30 minuta gjatë një dite të plotë.

Qëndrimi në këmbë ishte më mirë sesa të shkoni në divan për t’u ulur kur bëhej fjalë për nivelet e sheqerit në gjak, por kjo nuk ndihmoi në uljen e insulinës në qarkullimin e gjakut, zbuloi analiza.

Megjithatë, nëse njerëzit bënin një shëtitje të shkurtër pasi kishin ngrënë, nivelet e sheqerit në gjak rriteshin dhe uleshin më gradualisht, dhe nivelet e tyre të insulinës ishin më të qëndrueshme sesa qëndrimi në këmbë ose ulur, vuri në dukje studimi.

Studimet kanë treguar se nivelet e sheqerit në gjak do të rriten brenda 60 deri në 90 minuta pas ngrënies, kështu që është më mirë të lëvizni shpejt pasi të keni mbaruar një vakt.

Lëvizja ndihmon në pastrimin e sheqernave nga qarkullimi i gjakut

Si ndihmon lëvizja? Muskujt kanë nevojë për glukozë për të funksionuar, kështu që lëvizja ndihmon në pastrimin e sheqernave nga qarkullimi i gjakut — kjo është arsyeja pse shumë vrapues mbështeten në ngarkimin e karbohidrateve përpara një maratone ose gare.

“Njerëzit që janë fizikisht aktivë për rreth 150 minuta në javë kanë një rrezik 33% më të ulët të vdekshmërisë nga të gjitha shkaqet sesa ata që janë fizikisht joaktivë”, erdhi në përfundim Qendra e SHBA-së për Kontrollin dhe Parandalimin e Sëmundjeve.

E përkthyer, kjo do të thotë se nëse ngriheni dhe lëvizni për vetëm 21.43 minuta çdo ditë të javës, ju ulni rrezikun për të vdekur nga ndonjë gjë me një të tretën.